По наредба на Специјалното обвинителство на Косово, по повеќемесечна соработка со германските власти, денес беа уапсени девет Косовци кои измамиле и краделе од германски пензионери. Тие им ги земале парите во замена за лажни ветувања.

По наредба на Специјалното обвинителство во Косово, Дирекцијата за истрага на организиран криминал, Секторот за истрага на компјутерски криминал, како и во рамките на меѓународната соработка со Германија, по повеќемесечна истрага и размена на информации со германските власти, во текот на денот извршена е рација во 13 локации во Приштина, Косово Поле и Вучитрн каде се уапсени 9 осомничени.

Врз основа на собраните докази во текот на истрагата, констатирано е дека постои основано сомнение дека осомничените со иницијали А.К., К.Б., Ф.Г., А.С., Х.К., Л.Б., Л.Б., Е.З и Х.Б., во меѓусебна интеракција, со цел незаконски да се стекнат материјални средства, преку компјутерски системи комуницирале преку е-пошта и телефон со жртвите, главно странски државјани, кои биле измамени.

Киребизмамниците ги принудувале германските пензионери да им испраќаат пари во различни износи преку макрофинансиски институции кои функционираат во Косово.

Исто така, за време на оваа операција беа запленети сите релевантни докази што беа користени за извршување кривични дела, вклучувајќи:

• 35 компјутерски куќишта;
• 31  компјутерски монитори;
• 4  лаптопи;
• 1  автомобил Ауди А8;
• 15 мобилни телефони;
• 5 УСБ;
• 53  ЦД-а;
• 2 гасни револвери;
• 52 парчиња муниција;
• Различна документација (тетратки, ракописи и сл.).

По наредба на Обвинителот на Специјалното обвинителство, осум осомничени беа испратени во притвор, додека еден е ослободен.

Лото измамниците што ограбија над 1000 пензионери излегоа пред германскиот суд