МЗТ Скопје Аеродром го дели една победа од одбрана на титулата во македонското кошаркарско првенство, или вкупно 10-та во својата клупска историја.

Играчите на Васко Атанасов водат со 2:0 во финалната серија против Пелистер, а денеска ја имаат првата „меч-топка“ за освојување на шампионскиот трофеј од 18.30 часот во салата „Боро Чурлевски“ во Битола.

Судии на мечот ќе бидат А. Павлов, И. Мијалковски и Т. Панов, а делегат и контролор се Д. Ивановски и Д. Терзовски.

Од една страна Пелистер се очекува да ја има поддршката од навивачката група „Чкембари“, а од друга верните „Фемили“ за МЗТ.

Потсетување дека во вториот дуел најзаслужен за триумфот на „штрковите“ беше Војдан Стојановски со 23 поени во СЦ „Јане Сандански“.