Коронавирусот одложи натпревар на шампионот ПСЖ!
Екипите на Стразбур и ПСЖ требаше да ги одмерат силите в сабота, но првите луѓе на францускиот фудбал донесоа одлука да не се игра овој меч.
Натпреварот од „Лига 1“ нема да се игра во најавениот термин поради ширењето на епидемијата на коронавирусот, соопшти денеска управата на Лигата.
Првично мечот помеѓу екипите на Стразбур и шампионот ПСЖ беше закажан да се игра в сабота од 17.30 часот, но истиот е одложен од страна на првите луѓе на францускиот фудбал.
#COVIDー19
Plus que limite l'illustration du site straitstimes concernant le report du match PSG STRASBOURG!https://t.co/Hgx3ohZKs0 pic.twitter.com/IDXuNUhn0m— FabulousFab (@totobobo2020) March 6, 2020
Моментно на табелата во најсилното француско првенство водат париските „светци“ со 68 бодови, додека Стразбур е на 10. место со 30 бодови помалку.
Регионот Алзас, на границата со Германија каде што се наоѓа Стразбур, е едно од подрачјата во таа држава кое е најтешко погодено од коронавирусот.
Во Франција до сега се регистрирани 653 случаи, 632 активни од кои 12 излекувани, а 23 се во критична состојба.
