Конте бара ѕвезда на Реал Мадрид
Новиот тренер на Интер, Антонио Конте планира уште во првата сезона да го предизвика Јувентус за шампионската титула. Засега единствено потврдено засилување е Диего Годин, Един Џеко ќе пристигне на стартот од преодниот рок, а речиси пред реализација е Лусиен Агуме од Сошо.
Покрај Џеко, новиот тренер во нападот го сака и Ромелу Лукаку од Манчестер јунајтед но проблем може да претставува платата на Белгиецот. Лукаку бара 10 милиони евра по сезона, тоа е сума која може да му претставува проблем на Интер. Дополнителни главоболки на Конте му предизвикува и Наполи кој е подготвен да му ја понуди бараната сума на Белгиецот.
Ѕвезда на преодниот рок во Интер се очекува да биде Герет Бејл. Конте очајнички го сака Бејл во тимот но прашање е дали имаат средства за да го реализираат трансферот. Герет Бејл не е задоволен од статусот во „кралскиот“ клуб, тренерот Зинедин Зидан на крајот од сезоната го седна на клупата за резервни играчи иако тој е најдоброплатен фудбалер на тимот со 15 милиони евра.