Конечно уапсен германскиот Рамбо после пет дена криење во шума, едно лице повредено во текот на потерата
Потрагата по педофилот Ив Етиен Рауш (31) во Германија кончено заврши после 5 дена.
Бездомникот, кого медиумите го нарекоа германски Рамбо, со лак и стрела и бегаше на полицијата и се криеше во шумите, а стотина полицајци трагаа по него.
Како што јавува Билд, Рауш (31) е уапсен денеска во попладневните часови, а запленети се и четири парчиња оружје.Се додава дека работник од една пошта дал важни информации кои довеле до апсење, а во текот на акцијата едно лице е повредено.
Полицијата наскоро ќе одржи прес конференција за медиумите.
Драмата почна во неделата откако полицијата го запре Рауш поради проверка. Тој почнал да соработува со полицијата, но наеднаш извадил пиштол и ги присилил да го предадат оружјето. Разоружал дури четворица полицајци.
Потоа, вооружен и со нивното оружје како и со лак и стрела побегнал во шумата каде веројатно и се криел.
Германската полиција набрзо го објави идентитетот на бегалецот, кому, како што пренесуваат медиумите му се става на товар и педофилија и обид за убиство.
Наводно, Ив во 2010 година со стрела тешко ја повредил својата тогашна девојка после кавга.
Исто така е осомничен дека собирал и дистрибуирал детска порнографија.