Колку време е потребно за да се заразите кога сте во контакт или во близина на заболен со коронавирус?

Американскиот Центар за контрола и превенција на болести неодамна ја ревидираше дефиницијата за близок контакт.

Претходно за близок контакт се сметаше кога лицето ќе помине најмалку 15 минути на оддалеченост помала од два метра од заразеното лице.

Сега тие минути не мора да бидат поминати одеднаш.

За близок контакт се смета кога лицето било на растојание помало од два метра од заразен најмалку 15 минути во период од 24 часа.

Зошто првичниот податок е изменет?

Причина за менување на првиот податок е бидејќи се покажало дека затворскиот чувар во Вермонт е позитивен на коронавирус по повеќекратни, но кратки контакти со шестмина асимтоматски затвореници. Во осумчасовната смена тој имал 22 средби со затворениците во вкупно траење од 17 минути.

Најнови истражувања: Бројот на антитела рапидно опаѓа по опоравувањето од коронавирусот

Дали тоа значи дека сме безбедни ако поминеме помалку од 15 минути во близина на заразено лице? За жал тоа не е стопроценти точно.

Петнаесет минути е само показател

„Сакате да дадете некои широки показатели кои лесно се паметат, ама всушност станува збор за континуум“, вели Нил Голдстеин, професор по епидемиологија и биостатистика на Универзитетот „Дрексел“ во Филаделфија.

„Ризикот може да ви биде и помал во подолг период, а поголем во пократок. Има многу варијабли кои влијаат на количината на вирусот која некој ја прима, а тоа е всушност најважно“, вели Голдстејн.

Освен времето на изложеност на вирусот, важно е и дали заразеното лице има симптоми, дали ги развило веднаш или подоцна, дали сте биле надвор или во затворен простор, каква била вентилацијата во просторијата, уште колку луѓе имало и со што се занимавале.

Колкава е шансата да се заразиме со ковид на отворено? Еве што велат експертите за носењето маски надвор

„Ако на пример сте седеле и сте пееле во подрум на пријател наместо да сте седеле во парк и тивко разговарале, расте ризикот дека ќе се заразите за пократко време“, пренесува Филаделфија инквајер.

Дефиницијата на близок контакт не се менува ако притоа сте носеле маски, но тоа не е поради тоа што маските не се корисни во превенција од заразата.

Американскиот Центар за контрола и превенција на болести не ги зема предвид маските бидејќи многумина не ги носат правилно.

Што покажа истражувањето? Список на заштитни маски – од најдобра до најлоша