Граѓаните кои не ги искористиле ваучерите за замена, добиени на име на туристички патувања, ќе си ги вратат парите од 1 јануари. На граѓаните најдоцна до 1 февруари треба да им се вратат вкупно 6,5 милиони евра, што е предвидено со Уредба. Иако се работи за значителна сума, директорот на Националната асоцијација на туристички агенции на Србија (ЈУТА) Александар Сеничиќ за порталот Н1, изјави дека тоа е само една десетина од вкупната вредност на овие ваучери, а остатокот ќе се реализира преку патување.

„Патниците кои не ги искористиле ваучерите за замена треба да се обратат во нивните агенции и да ги остават податоците од нивната банкарска сметка, бидејќи парите ќе се исплаќаат на тој начин – од сметка на сметка“, вели Сеничиќ.

Во случај агенцијата да нема пари да плати, ваучерите ќе се исплаќаат – од осигурување. Директорот на ЈУТА потсетува дека регулативата предвидува ваучерите за замена да можат да се користат до 31 декември годинава.

„Агенциите секако можат да им понудат на овие патници договор и да им овозможат да го користат овој ваучер за замена следната година, нудејќи им дополнителна вредност, на пример зголемување од 20 проценти“. Така што некој што има заменски ваучер од 500 евра може во договор со агенцијата да потпише договор за аранжман од 600 евра, кој може да го искористи во секое време следната година“, објаснува Сеничиќ.

Но, секако посочува – тоа не е обврска. „Тоа е договор меѓу патникот и агенцијата“, објаснува тој. Кога станува збор за граѓаните кои сакаат да си ги вратат парите, платени во 2020 година, соговорникот Н1 препорачува задолжително да се обратат во нивната агенција и да ја известат дека сакаат да им се исплатат парите по замена на ваучер.