Клоп: Како да го подобриме тимот? Нема да трошиме милиони!
Менаџерот на Ливерпул истакна дека не планира да потроши милиони на нови засилувања.
После три децении чекање, Редси ја освоија титулата во Премиер лигата. После тој успех веднаш запонаа шпекулациите за евентуални нови трансфери на „Енфилд“.
– Пандемијата на коронавирус влијаеше врз приходите и расходите. Ова нема да биде возбудливо лето кога станува збор за трансфери – рече Клоп.
Како што е веќе објавено, „црвените“ не се откажуваат од Кулибали и подготвуваат нова понуда.
– Кога ќе го погледнам тимот, не треба многу да се менува. Ние немаме стартни 11, туку 16 или 17. Сите тие можат да играат на исто ниво. Не можеме да потрошиме милиони и милиони. Сакаме да го подобриме тимот кој е веќе добар. Прашањање е како да се зајакне ваков силен тим? Не станува збор за пари, мора да бидете креативни, најдете решенија и во клубот – додаде менаџерот на премиерлигашкиот шампион.
