Ливерпул во последното коло од Премиер лигата успеа да обезбеди пласман во Лигата на шампионите, па менаџерот Јирген Клоп веќе се подготвува за наредната сезона и како едно од потенцијалните засилувања би можело да дојде бесплатно.
Станува збор за фудбалерот на Милан, Хакан Чалханоглу на кого договорот со „росонерите“ му истекува на 30. јуни. Оваа вест ја објави италијанскиот новинар Даниел Лонго.

Тој открива дека Ливерпул е еден од заинтересираните екипи за турскиот репрезентативец кој сè уште преговара со Милан. Голема конкуенција на Ливерпул ќе му претставува и Јувентус, но новинарот Лонго смета дека англискиот тим има предност пред „старата дама“.
Чалханоглу на „Енфилд“ би пристигнал бесплатно, а тоа Ливерпул би му го компензирал со поголема плата.
Турскиот репрезентативец има 27 години, а во својата кариера играше за Хамбургер и Баер Леверкузен за во летото 2017 година за сума од 23 милиони евра се пресели во Милан.