Српскиот кошаркарски клуб Црвена звезда сака да ја информира јавноста дека официјално ќе побара од раководството на АБА регионалната лига да се расчисти ситуацијата околу бројот на клубови од една земја кои можат да играат во првата лига во натпреварувачката сезона 2022-2023.

Црвена звезда како клуб кој е косопственик на оваа лига со другите клубови учесници, смета дека моменталната состојба е неприфатлива и неодржлива и сака да добиеме конкретен одговор на ова прашање (за кошаркарската јавност навреме да биде информирана) пред 30 април 2022 година кога (сосема непотребно и неоправдано според КК Црвена звезда) два српски клуба (Борац Чачак и Златибор Чајетина) треба да го одиграат првиот плејоф натпревар за опстанок (или пласман) во првиот ранг од регионалното лигашко натпреварување!

Потсетување дека МЗТ Скопје Аеродром по пауза од четири години се враќа во првата АБА лига откако во второто полуфинале на завршниот турнир од АБА2 лигата во Скопје го совлада Широки.

Пласманот на „металците“ во елитата уште претходно беше обезбеден поради победата на Златибор, а според правилата во првата АБА лига не може да играат повеќе од пет клубови од иста земја, па поради тоа Борац и Златибор ќе моеа да играат бараж. Златибор беше најдобар во АБА2 лиагата, а Борац најслабата српска екипа оваа сезона во АБА лигата, но не и најслаба екипа вкупно.

Црвена звезда смета дека тој дуел е „целосно непотребен и неоправдан“ и дека лигата мора итно да реагира и го откаже истиот.

Целото соопштение на белградските „црвено-бели“ можете да го прочитате ТУКА