Киев планира да го смени генералот Залужни, известен е и Вашингтон
Украинската влада ја известила Белата куќа дека планира да го отпушти командантот на вооружените сили на земјата, генерал Валериј Залужни, објави Ројтерс.
За ова прашање веќе неколку дена се расправа во јавноста. Потегот за смена на Залужни, кој се судри со претседателот Володимир Зеленски околу воената стратегија и други прашања, доаѓа по контраофанзивата минатата година во која Украина успеа да врати само мал дел од нејзината територија окупирана од Русија.
Извор близок до канцеларијата на Зеленски изјавил дека двајцата не се согласуваат околу тоа дали да започнат нова кампања за воена мобилизација на половина милион Украинци. Според изворот, отказот на Залужни е одложен бидејќи властите се уште не одлучиле кој ќе го замени.
САД не се спротивставиле на плановите на Киев. Белата куќа соопшти дека е суверена работа Украина да донесе сопствена одлука, изјавил вториот извор за Ројтерс