Тоа што досега се шпекулираше сега е потврдено, имено 33 годишниот готвач Емилио Витоло успеа да ја врати насмевката на лицето на Кејти Холмс…

Кејти Холмс која зад себе го има пропаднатиот брак со актерот Том Круз, но и долгогодишната врска со Џејми Фокс, сега има нова љубов.

Судејќи според папарацо фотографиите, направени во ресторанот „Peasant“ на Менхетен во неделата навечер, 41-годишната холивудска актерка повторно има причина за среќа. Тоа што досега се шпекулираше сега е и потврдено, актерката е во врска со 33-годишниот готвач Емилио Витоло Џуниор, на кој во ресторанот му седеше во скутот каде што тие разменија неколку страсни бакнежи.

Инаку, Емилио е наследник на угледното италијанско семејство и неговиот татко Емилио Витоло е сопственик на ресторанот “Emilio’s Ballato” од раните 90-ти, кој всушност е омиленото место за славните лица.

Дали во случајот на Кејти Холмс важела изреката „љубовта доаѓа преку стомакот“ засега не е познато, но уверени сме дека фактот дека нејзиното ново момче е готвач и знае да подготви разни специјалитети дефинитивно не одмогнал во целата ситуација.