Кејт Мидлтон минатата недела објави дека е во фаза на ремисија од ракот, а новите детали за принцезата од Велс покажуваат дека нејзиното закрепнување оди добро. Сопругата на принцот од Велс се појавила во јавноста, далеку од Велика Британија.

Кејт Мидлтон пред две недели уживала на одмор на Алпите со децата принцезата Шарлот, принцовите Џорџ и Луис и со принцот Вилијам. Тие го напуштиле својот имот во Норфолк веднаш по Божиќ и се упатиле кон оваа дестинација.

Кејт и Вилијам и нивните деца биле забележани како уживаат во утринските топли пијалаци во ресторанот на планината, кој е популарна станица за британските скијачи и има панорамски поглед на врвовите покриени со снег. Подоцна се вратиле на ручек во истиот ресторан.

– Беше убаво да се види Кејт како се опушта и ужива. Изгледаа како нормално англиско семејство и многу луѓе не ги препознаа. Тоа не беше првпат да ги видиме. Тие доаѓаат овде со години. Мислам дека тие ја сакаат оваа област. Често ја гледаме и нејзината сестра Пипа – рекол изворот, пишува „Дејли мејл“.

Со Кејт бил и нејзиниот брат Џејмс Мидлтон, а децата се испробале во скијање.

– Џејмс беше таму со својата сопруга, а потоа Кејт пристигна со Шарлот и Луис. Сите изгледаа многу среќни. Изгледаа како секое обично семејство кое ужива во паузата од скијање. Имаше многу смеа, а децата беа многу пристојни. Единствената причина зошто веднаш би знаеле дека се тие е затоа што Кејт беше придружувана од обезбедувањето. А се чинеше дека инаку одлично се забавува – додал изворот.

Кејт Мидлтон и принцот Вилијам на почетокот на својата врска престојувале на Алпите, а со нив тогаш биле и кралот Чарлс и принцот Хари. Познатиот ски-центар крие бројни спомени од британското кралско семејство, а дополнителен показател за нејзината успешна битка со ракот е и фактот што принцезата е способна да патува.

Кејт на 22 март објави дека има рак, а на 16 јануари 2024 година беше оперирана во Лондон поради проблем со абдоменот. Пред четири месеци заврши со хемотерапијата.

Принцот Вилијам откри кој бил најужасниот подарок што ѝ го подарил на Кејт: „Таа никогаш не ми дозволи да го заборавам тоа“

ФОТО | Војвотката од Кембриџ во патики од 6.000 денари: Удобност пред сè за Кејт Мидлтон

Кралот Чарлс до членовите на кралското семејство: Монархијата ќе биде во добри раце со Кејт Мидлтон