Кандидатите за американска виза ќе треба да обезбедат податоци од социјалните мрежи, пишува БиБиСи.

Регулациите на Стејт департментот гласат дека луѓето ќе треба да достават информации за профилите на социјалните медиуми, е-мејл адреси и телефонски броеви за период од пет години.

Според новите правила речиси сите кандидати за американски визи ќе треба да достават детали за своето присуство на социјалните медиуми.

Некои дипломатски и официјални кандидати за виза за САД ќе бидат ослободени од овие строги нови мерки.

Сепак, луѓето кои патуваат во САД за да работат или да студираат ќе мора да ги обезбедат овие информации.

„Ние постојано работиме на изнаоѓање механизми за подобрување на нашите процеси на скрининг, за да ги заштитиме американските граѓани, додека поддржуваме законското патување до САД“, објавија властите во Вашингтон.

Властите проценија дека предлогот ќе влијае врз 14,7 милиони луѓе годишно