Новиот тренер на Металург, Зоран Кастратовиќ, начелно е задоволен од противникот што го доби со ждрепката за третото коло во ЕХФ Купот.

– Горење Велење, слично на Металург, е млада екипа засилена со неколку поискусни ракометари, меѓу кои би го издвоил Давид Миклавчиќ. Ги гледав натпреварите на Горење против Металопластика и сметам дека Металург има добри шанси во овој дуел. Металург како екипа има поголемо меѓународно искуство, стекнато во настапите во Лигата на шампионите и во СЕХА-лигата во последните години и тоа е значителна предност – вели новиот стратег на Металург.

Како што е познато, првата средба ќе се игра во Велење, на 16/17 ноември, додека реваншот една недела подоцна во Скопје.