Како зимницата да не се расипе: Три грешки што ги прават домаќинките
Сега е вистинско време за подготовка на зимница и повеќето домаќинки веќе почнаа да набавуваат овошје и зеленчук. Без разлика дали користите проверени и испробани рецепти, често се случува зимницата да се расипе. Постојат многубројни причини за тоа, а во продолжение ви донесуваме на што треба да внимавате за да трае вашата зимница што подолго.
Препорачано
1. Неправилно стерилизирани тегли
Ако теглите се слабо или недоволно стерилизирани, во нив може да останат бактерии и разни штетни микроорганизми, кои можат да доведат до ферментација на овошјето и на зеленчукот. За да се избегне ризикот од оваа појава, важно е стерилизацијата да се изврши правилно. Добро измиените тегли и капаци наредете ги во плех и ставете ги во рерна загреана на 180 степени, околу 15-20 минути. Исто така, внимавајте добро да ја затворите зимницата во теглите, односно капакот добро да го прицврстите за да не влезе воздух во нив.
2. Употребувате презреано овошје и зеленчук
Многумина веруваат дека зимницата ќе биде повкусна ако користат зрело овошје и зеленчук, но тоа не е така. Овошјето многу побрзо ќе се распадне и ќе се расипе, дури и кога користите конзерванси. Затоа, изберете цврсти плодови што не се оштетени и немаат дамки (точки).
3. Лошо место за складирање
Зимницата ќе трае подолго ако се чува на место каде што нема провев, влага, топлина и каде што нема сончева светлина. Сето тоа се фактори што влијаат врз забрзаната ферментација на овошјето и на зеленчукот во теглата и нивното побрзо расипување.
