Изгледа дека целиот свет е завиткан во приказни за сериски убијци, без разлика дали се вистинити или измислени, особено овие денови кога серијата за озлогласениот сериски убиец и канибал, Џефри Дамер е толку голем хит, пишува „Unilad“.

Џефри Лајонел Дамер е американски сериски убиец и сексуален престапник кој извршил повеќе силувања, убиства и осакатувања на седумнаесет мажи и момчиња помеѓу 1978 и 1999 година. Многу од неговите убиства се карактеризираат со некрофилија, канибализам и зачувување на делови од телото – обично целиот или дел од скелетот.

Серијалот „Monster: The Jeffrey Dahmer Story“ во моментов е најгледан наслов на „Нетфликс“. Серијата за Џефри Дамер, еден од најпознатите американски сериски убијци кои ги јадел своите жртви, во првата недела собра над половина милијарда прегледи. Исто така, серијата стана деветтата најпопуларна серија на англиски јазик на оваа платформа, пишува „Вариети“.

Сепак, ако некогаш сте се запрашале дали сте стапиле во контакт со вистински убиец, овие знаци би можеле да бидат од голема корист. Како да знаете дали личноста со која сте во контакт е убиец?

Не е тоа што кажувате, туку како го кажувате, а според Клиф Лансли, тоа се однесува на убијците од реалниот живот. Зборувајќи за „Хипократик пост“, експертот рекол: „Дури и најсамоуверените, закоравени убијци можат да се оддадат со суптилни знаци и гестови на лицето, телото и гласот коишто сугерираат дека лажат. Клучно е да знаете што барате, а барате сигурни показатели за измама“.

Секако, овие физички реакции може да варираат во зависност од поединецот и околностите во кои ги испитувате. Сепак, постои едноставен начин да откриете дали некој лаже дека е убиец. Не е важно дали ќе го задржи контактот со очите, ќе се поти или ќе избегнува прашања – туку како неговото однесување се менува.

Што треба да се направи?

Како што вели Лансли, важно е да се воспостави основна линија. „Зборуваме за работи кои се сигурни и вистинити, како што се нивното семејство, нивните вештини, нивното образование и нивните надежи и соништа“, објаснил Лансли. „Во текот на тој период бележиме колку често трепкаат, нормалната боја на кожата, брзината на говорот и како одржуваат контакт со очите. Подоцна, кога ќе започне вистинското испрашување, можеме да ги процениме промените во овие нормални основни обрасци за да ја процениме непријатноста, стресот и лажењето“, објаснува тој.

Додека некои криминалци може да го користат контактот со очите за да проценат дали испитувачот верува во нивната приказна или за да се обидат да дадат чувство дека се невини, други тоа целосно го избегнуваат.

Лингвистот Џон Боуден додал: „Прекините во контактот со очите кои укажуваат на измама обично се придружени со дополнителни измамнички гестикулации на телото“.

Ова ја нагласува важноста на сеопфатното набљудување на говорот на телото, наместо само да се земе еден единствен невербален знак од контекстот. Како што е кажано, секоја личност е уникатна и ќе покажува различни знаци под притисок – што е она што го отежнува читањето на говорот на телото.

Значи, во случај да сакавте да откриете (уловите) некого, начинот да откриете дали некој лаже е да ги пронајдете неговите вистински, основни изрази и да забележите како тие се менуваат во текот на испрашувањето.

Засега, сепак, тоа ќе го оставиме на професионалците.

Нетфликс ќе снима серија за серискиот убиец Џефри Дамер познат како „Канибалот од Милвоки“ кој убивал хомосексуалци! (ВИДЕО)

ВИДЕО | „200 милиони часови гледаност“: Серијата за серискиот убиец Џефри Дамер е најпопуларна на Нетфликс