Јапонскиот премиер Јошихида Суга се извини откако прескокнал делови од говорот за Хирошима по повод годишнината од нападите со атомски бомби кои го погодија градот пред 76 години, пренесува Ројтерс. 

Според локалните медиуми, премиерот прескокнал повеќе од една страница, а грешката била забележана откако јавната телевизија на НХК престана да прикажува преводи за време на неговиот говор. 

Неговата грешка привлече внимание поради важноста на одбележувањето на таа годишнина, настан што се одржува секоја година во спомен на загинатите во атомската експлозија. Суга веќе е под низа критики бидејќи инсистираше на одржување на Олимписките игри среде порастот на заразите. 

„Сакам да ја искористам оваа прилика за да се извинам што го прескокнав говорот на некои делови на свеченото одбележување на нападот на Хирошима“ изјави Суга. 

Тој го прескокнал говорот каде се споменува дека Јапонија е единствената држава која претрпела нуклеарен напад. 

Јапонија одбележува 76 – годишнина од нападот врз Хирошима