Како што тврди хрватскиот новинар Изак Анте Сушиќ, Селтик бара да го ангажира дефанзивниот играч за врска на Хајдук, Јани Атанасов (22).

Македонскиот фудбалер во рамките од хрватскиот шампионат имаше еден прекрасен гол во дербито против Динамо Загреб пред неколку дена.

Навивачите на шкотскиот гигант се надеваат дека клубот ќе донесе нов дефанзивен играч за врска пред крајот на преодниот рок.

Атанасов е во својата последна година од договорот и Хајдук е подготвен да преговара за продажба на нашиот играч.

Летниот преоден рок завршува на почетокот на септември, па останува да се види дали навистина најтрофејниот клуб во Шкотска има намера да го ангажира Македонецот.

💥BOOOM!💥
Jani Atanasov could leave @hajduk and continue his career in @CelticFC. Hajduk is willing to sell him if Celtic pays asking price. Atanasov scored great gol in Eternal derby vs @gnkdinamo six days ago. More to follow in next few days.

— Ižak Ante Sučić (@IASucic) August 19, 2022

Претходно во клупската кариера Атанасов беше дел и од Академија Пандев и турскиот Бурсаспор, а лани дебитираше за нашата најдобра репрезентација во квалификациите за СП против Ерменија (5:0).