Израелската армија започна со повлекување на трупите од Појасот Газа
Во текот на ноќта и утрово, израелската армија (ИДФ) започна со повлекување на своите трупи од Појасот Газа до договорените линии на распоредување, како дел од договорот со Хамас.
Препорачано
Некои сили целосно се повлекоа од Газа, додека други ќе останат на позициите долж линиите на распоредување, објавува „Тајмс оф Израел“.
Повлекувањето се одвива под заштита на артилериско гранатирање и воздушни напади во некои области, објави израелскиот портал.
Се очекува израелската армија да го заврши повлекувањето до вечерва, во рок од 24 часа откако израелската влада официјално ќе го ратификува договорот со Хамас.
Кога повлекувањето ќе биде завршено, ИДФ ќе ја задржи контролата врз нешто повеќе од половина од територијата на Појасот Газа, или 53 проценти – од кои поголемиот дел е надвор од урбаните средини.
Ова вклучува тампон зона по целата граница со Газа, вклучувајќи го Коридорот Филаделфија – граничната област меѓу Египет и Газа – заедно со Бејт Ханун и Бејт Лахија на крајниот север од Појасот, гребен на источните периферии на градот Газа и големи делови од Рафа и Кан Јунис во јужна Газа, според „Тајмс оф Израел“.
