Крајнодесничарскиот министер за финансии на Израел, Безалел Смотрич, ги отфрли плановите за формирање палестинска држава, велејќи дека Израел „на кој било начин нема да се согласи“ со тоа.

Смотрич вчера на својот профил на „Икс“, објави слика од наслови од израелската веб-страница за вести Ynet, преведена како „извештај: САД промовираат сеопфатен план за формирање палестинска држава“.

לא נסכים בשום אופן לתוכנית הזו שלמעשה אומרת שמגיע לפלסטינים פרס על הטבח הנורא שעשו לנו: מדינה פלשתינית שבירתה ירושלים.

המסר הוא שמשתלם מאוד לטבוח באזרחי ישראל.
מדינה פלסטינית זה איום קיומי על מדינת ישראל כמו שהוכח ב7 לאוקטובר, כפר סבא לא תהיה כפר עזה! pic.twitter.com/e9uJK4TO82

— בצלאל סמוטריץ' (@bezalelsm) February 15, 2024

„На кој било начин нема да се согласиме со овој план, кој всушност вели дека Палестинците заслужуваат награда за страшниот масакр што ни го направија: палестинска држава со Ерусалим како главен град. Пораката е дека навистина се исплати да се масакрираат израелски граѓани. Палестинска држава е егзистенцијална закана за државата Израел, како што беше докажано на 7 октомври, Кфар Саба нема да биде Кфар Аза!“, напиша Смотрич на својот профил на „Икс“.

Израелскиот министер за национална безбедност Итамар Бен Гвир исто така се огласи на „Икс“.

„Убиени се 1.400 луѓе и светот сака да им даде држава. Тоа нема да се случи. Основањето на палестинска држава значи формирање на држава Хамас, напиша Бен Гвир, пренесува британски „Гардијан“.