Инфлацијата во еврозоната месецов се искачи на рекордно ниво од 10,7%
Инфлацијата во еврозоната се очекува да достигне ново рекордно високо ниво од 10,7% во октомври, пренесува „Еуроњуз“.
Доколку во ноември Евростат, официјалната агенција за статистика на блокот, ги потврди овие податоци, ова ќе биде прв пат инфлацијата да го надмине прагот од 10%.
Euro area #inflation up to 10.7% in October 2022: energy +41.9%, food, alcohol & tobacco +13.1%, other goods +6.0%, services +4.4% – flash estimate https://t.co/b9t9sOMDLM pic.twitter.com/NbsakF4eVe
— EU_Eurostat (@EU_Eurostat) October 31, 2022
Зголемувањето беше поттикнато од цените на енергенсите за кои Евростат проценува дека се за 41,9% повисоки од истиот месец минатата година. Во меѓувреме, се верува дека цените на храната, алкохолот и тутунот пораснале за 13,1 отсто на годишно ниво.
Инфлацијата во септември изнесуваше 9,9 отсто.
Балтичките земји остануваат најдлабоко погодени со годишната инфлација која останува над границата од 20%. Естонија е прва со проценка од 22,4%.