Златан Ибрахимовиќ по неколкунеделно размислување и разгледување на понудите одлучи каде ќе ја продолжи кариерата, изборот падна на Милан.

Познатиот италијански новинар Џанлука Ди Марцио објави ека трансферот се очекува да биде реализиран вечерва или најдоцна до утре, а Ибрахимовиќ ќе потпише шестмесечен договор со „росоњерите“. Постои опција, во зависност од неговите игри и од пласманот на екипата, договорот да се продолжи да дополнителни 12 месеци.

#Milan, #Ibrahimovic ha detto sì https://t.co/S995lySvxX

— Gianluca Di Marzio (@DiMarzio) December 26, 2019

Златан Ибрахимовиќ веќе има настапувано за екипиата на Милан, и тоа од 2010 до 2012 година, а актуелниот договор со Лос Анџелес галакси му истекува на 31 декември.

Се очекува Швеѓанецот да претставува големо засилување за Милан кој сезонава игра очајно и се наоѓа на 11. позиција на табелата со 21 освоен бод во 17 натпревари.