Пандемијата на коронавирусот полека со „суспендира“ животот низ целиот свет, а од оваа болест не се изземени ниту спортот и фудбалот како најважната споредна работа.

Долгогодишниот претседател на Баерн Минхен, Ули Хенес, во интервју за магазинот „Кикер“ апелираше до фудбалските работници да ги сопрат полемиките околу тоа кога да продолжат првенствата и дали да се игра или да се одложи Европското првенство.

Според Хенес, таквите расправи се маргинални во моментите кога целиот свет се бори со пандемијата на коронавирусот.

– Сосема нормално е да во овие моменти се да запре, па дури и да нема фудбал. Најважно да бидеме внимателни и да не дозволиме да се згоемувга бројот на заболени од коронавирусот. Луѓето мора да сфатат дека ние сме дури на почетокот од овој проблем – вели Хенес кој верли дека фудбалот во моментов е најмалку важна работа.

– Проблемот е кога докторот во Италија мора да бира помеѓу двајца пациенти кој да го стави на респиратор бидејќи нема за сите. Тоа е проблем, а не кога ќе продолжи фудбалот.

Хенес истакна дека нема дилеми и кои ќе бидат приоритетите кога топката повторно ќе биде на центарот.

– Предност имаат домашните првенства и Лигата на шампионите, а дури потоа доаѓа Европското првенство. Но, најважно е луѓето да сфатат дека имаме проблем со коронавирусот кој ќе го промени светот – порачаа Хенес.