Халанд: Гвардиола е тотално луд по фудбалот и затоа го сакам
Англискиот шампион Манчестер сити, во летниот преоден рок го донесе еден од најдобрите напаѓачи на денешницата, Ерлинг Халанд кој веднаш почна да ги „тероризира“ голманите во Премиер лигата.
Иако многумина се сомневаа дека Халанд нема да се снајде во системот на Пеп Гвардиола, кој досега функционираше без класична „деветка“, но Норвежанецот ги смири со постигнати 10 гола во Премиер лигата и уште два во првото коло во Лигата на шампионите.
– Мислам дека Хосеп е еден од оние луди фудбалски луѓе, како мене. Двајцата живееме за фудбалот, тој беше играч, сега е тренер и е целосно луд по фудбалот и тоа ми се допаѓа. Имам впечаток дека тој размислува само за фудбалот и за тоа како може да ги поправи работите и токму поради тоа го сакам.Мислам дека добро се вклопуваме иако системот не е толку едноставен. Не сакав да губам време, само гледав да се адаптирам што е можно побрзо – изјави Халанд.
Следниот предизвик за Халанд е дуелот против поранешниот тим Борусија Дортмунд в среда во рамки на второто коло во Лигата на шампионите.