Откако се појавија скандалозните фармерки извалкани со трева што Гучи ги продава по скандалозно висока цена од дури 40 илјади денари, од оваа модна куќа доаѓа уште еден „хит на есента“ – фустан за мажи со сатенски појас!

Портокаловиот фустан чини околу 111.000 денари, а како посебен детал, дизајнерите го потенцираат сатенскиот појас што е врзан во лак и кој ја носи пораката: „Јас се борам против токсичните стереотипи кои го обликуваат родовиот идентитет на мажите!“

Памучната долга кошула, односно фустанот, има бисерни копчиња и јака во стилот на Петар Пан, слична на онаа што ја носеше Курт Кобејн пред 19 години на концерт во Лос Анџелес.

„Гучи“ препорачува мажите да носат кошула-фустан со искинати фармерки.

За оние кои не ја сакаат портокаловата боја, постои и розова верзија на истото парче облека. Во исто време, тоа е малку поевтино – чини „само“ 75.000 денари.

Како ви се допаѓа модниот предлог на брендот Гучи? Дали мислите дека овој фустан ги крши границите помеѓу машка и женска гардероба или, сепак, дизајнерите претеруваат? Споделете!