Останаа уште неколку дена до официјалниот почеток на летото и Грците се радуваат што ќе се препуштат на задоволството што го нуди сладоледот.

Но, се чини дека студениот десерт годинава и буквално ќе ги „смрзне“, бидејќи зголемувањето на суровините ја зголемуваат неговата цена, што резултира со топка која чини дури 4 евра, коментира То Вима.

Граѓаните се незадоволни што истовремено, кај пакуваниот сладолед, освен новата, зголемена цена, има и намалување на пакувањата.

Експертите нотираат дека годинава на грчкиот пазар цената на сладоледите е зголемена за дури 25 проценти, а причините се: поскапените суровини чоколадо, шеќер…

Така на пример ако појдете во некоја маалска слаткарница топката во чаша, која лани сте ја плаќале по 2,50 евра, сега ќе ве чини – 3,20 евра.

По 3 до 4 евра се нудат едноставните вкусови: ванила или чоколадо, а плус 20 евроценти ќе платите за парфе вкусовите со ореви, овошје, чоколадни парчиња.

Сладоледот во рефус, сега чини од 8 до 10 евра за килограм.

На пример семејство со 2 деца лани плаќало од 10 до 12,8 евра за сладолед, а годинава тоа ќе ги чини речиси од 12 до 16 евра. Едно парче сладолед на стапче од 68 гр сега чини 2,78 евра, за сендвич сладолед од 85 гр. ќе платите 2,89 евра итн.