Грчева: Гласаа клиентите на трите големи партии, ВМРО-ДПМНЕ е патрон на Левица
Претседателката на „Глас за Македонија“, Солза Грчева за емисијата „Само вистина“ на Канал 5 изјави дека на овие избори гласале клиентите на трите големи партии.
-Ова ни беше прво излегување на избори. Сметам дека во услови на епидемијата, крајно неодговорно беше да се организираат избори, не е толку за изборниот ден, колку за предизборните активности, кои ќе не чинат овие бројки што ги гледаме. Второ, луѓето едвај чекаа негде да се мрднат, да прошетаат макар и во рамки на Македонија. Ние знаевме дека нема да има голема излезност и ќе излезат клиентите на трите големи партии, оние кои се задолжени , кои што добивале функции,, рече Грчева.
Таа истакна дека ова е осиромашен народ, што лесно може да биде корумпиран, и материјалтно и морално.
Во врска со партијата Левица на овие избори, Грчева изјави дека партијата имала патрон, а тоа бил партијата ВМРО-ДПМНЕ.