Гравина се заканува дека ќе го исклучи Јувентус од Серија А!
Првиот човек на италијанскиот фудбал Габриеле Гравина предупредува дека Јувентус ќе биде исклучен од Серија А следната сезона, доколку не се повлече од Суперлигата.
Јувентус, Реал Мадрид и Барселона се единствените клубови кои официјално не се повлекоа од Суперлигата, отцепениот проект го започнаа пред помалку од еден месец од 12 елитни европски клубови, но пропадна за 48 часа.
Гравина денеска потврди дека „Старата дама“ нема да има дозвола да се натпреварува во Серија А следната сезона доколку не се откаже од натпреварувањето.
– Кога клубовите прифаќаат да учествуваат во италијанската лига, тие ги прифаќаат принципите на меѓународните тела. Евидентно е дека доколку Јувентус не ги прифати овие принципи, ќе му биде забранет влез во домашната лига – рече Гравина на прес-конференцијата.
Гигантите од „Ла Лига“ и Серија А објавија заедничко соопштение во саботата во кое се жалат на „неприфатливи притисоци, закани и прекршоци“ за напуштање на Суперлигата.
– Жал ми е, видов утрово загрижени навивачи, но сите мора да ги почитуваат правилата. Девет клуба решија да се повлечат од натпреварувањето, односно Суперлигата, има уште три учесници инволвирани. Но, се надевам дека овој спор ќе заврши наскоро – додаде Гравина.