Градското зеленило секое лето исушено, иако скопјани плаќаат за наводнување секој месец - Слободен печат

Градското зеленило секое лето исушено, иако скопјани плаќаат за наводнување секој месец

Заклучно со октомври на сметките од „Водовод и канализација“ беа прикажани само ставките за потрошената вода и за ѓубрарина, а со ноемвриските сметки има прикажано уште три нови тарифирања, поради што скопјани сметаат дека добиваат повисоки износи за плаќање.

Во изминатите три месеци скопјани добиваат сметки за вода во кои покрај потрошената вода се тарифира и одржување градско зеленило, но и собирање и одведување урбани отпадни води, како и прочистување отпадни води. Ова предизвика реакција на граѓаните по социјалните мрежи, кои обвинуваат дека сега, и покрај тврдењата на градоначалникот Петре Шилегов, сметките што пристигнуваат од јавното претпријатие се значително повисоки.

Шилегов негираше дека е зголемена цената на водата. Како што изјави по првите реакции, структурата на цената на сметката за водата е иста, само што сега граѓаните првпат можат да видат дека на сметката се плаќа и одржување на градското зеленило.

– Значи водата не е поскапена, само во сметката сега првпат е видливо како ставка и финансирањето на „Паркови и зеленило“ – рече тогаш Шилегов.

Прочитајте и...  Британските болници преземаат нови мерки - подготовка за можна епидемија на коронавирусот

Од Град Скопје не одговараат за она што, според нив, сега е видливо, а се плаќало отсекогаш – одржувањето на јавното зеленило. За ова потрошувачите, значи и домаќинствата и фирмите издвојуваат 19,5 отсто од износот на тарифата за снабдување со вода за пиење и тарифата за собирање и одведување урбани отпадни води. Колкава е таа сума на месечно ниво, исто така нема одговор од Градот. Одговор нема ни за тоа зошто се дозволи минатото лето јавните зелени површини да се исушат и дали ќе има некакви санкции за ЈП „Паркови и зеленило“ доколку тоа се повтори, затоа што граѓаните секој месец, без оглед на временските услови, издвојуваат пари за оваа намена. Досега без да знаат, а веќе три месеци и како посебна ставка на сметките.

Прочитајте и...  Шекеринска: Сакаме да видиме пресврт во судството - власта не смее да биде правосудство и таа што ќе носи одлуки

Колку за потсетување, Град Скопје секоја година ги субвенционира јавните претпријатија, меѓу нив и ЈП „Паркови и зеленило“. Субвенциите се од градскиот буџет, кој исто така се полни од граѓаните.

Заклучно со октомври на сметките од „Водовод и канализација“ беа прикажани само ставките за потрошената вода и за ѓубрарина, а со ноемвриските сметки има прикажано уште три нови тарифирања. Деновиве реагираше Унијата на потрошувачи од каде што побараа објаснување за тоа што значи ставката за собирање и одведување урбани отпадни води, но се спротивставија и на давачката за одржување на јавното зеленило.

Од ЈП „Водовод и канализација“ потсетуваат дека согласно со законските измени, цената на услугите што ги дава претпријатието ги утврдува Регулаторна комисија. Од 1 јануари годинава важечките тарифи за вода за пиење се 18,50 денари за потрошен кубик за домаќинствата, односно 49,50 за фирмите, за собирање и одведување урбани отпадни води домаќинствата издвојуваат по 10,85 денари за кубик, а фирмите по 16,6 денари, а најмала е цената за прочистување отпадни води за која сите плаќаат по 0,86 денари.

Прочитајте и...  Собранието едногласно ја донесе одлуката за распуштање, отворен патот за избори на 12 април

Од претпријатието објаснуваат што значи тарифирањето, кое дополнително ги збунува граѓаните.

– Снабдување со вода за пиење – оваа ставка се фактурира кај корисниците кои се приклучени на системот за водоснабдување и ја користат истата услуга, односно по стариот начин на фактурирање ова е услугата за вода. Собирање и одведување урбани отпадни води – оваа ставка се фактурира кај корисниците кои се приклучени на фекалниот канализациски систем, односно по стариот начин на фактурирање, ова е услугата за канализација – велат од јавното претпријатие.

Прочитај повеќе

Распуштеното Собрание и датата за предвремени избори во фокус на американските медиуми

Слободен печат

Првата дама Елизабета: Вашата приказна може да инспирира некој друг, затоа споделете ја

Слободен печат

Светската трговија слаба на стартот на 2020 година, можно поголемо влошување

Слободен печат

Беџети: Изборите на 12 април ќе ја донесат долгоочекуваната промена во земјата

Слободен печат

Портпаролката на НАТО го поздрави донесувањето на Законот за одбрана

Слободен печат

Сириската армија собори дронови во близина на нафтена рафинерија

МИА Агенција

Остави Коментар

20 − дваесет =

Прочитај повеќе

Најмалку девет лица се повредени во сообраќајни несреќи предизвикани од невреме во Германија

МИА Агенција

Медиумите да се регистрираат во ДИК доколку имаат платено политичко рекламирање

Слободен печат

Ќе биде ли Избирачкиот список дежурен виновник и за изборите на 12 април?

МЗШВ: Јавните огласи за распределба на земјоделско земјиште се спроведуваат согласно законот

Слободен печат

Се состана работната група во МВР со цел надминување на состојбата со пасошите, закажана уште една средба

Слободен печат

ЕК за реконструкција на Албанија ќе издвои 100 милиони евра

Слободен печат