Се зголемува финансискиот криминал во државава, како перењето пари и даночното затајување, но се зголемуваат и контролите од страна на Финансиската полиција и сторителите се откриваат- вели директорот на институцијата Горан Иванов за Утрински печат на Слободна ТВ.

– Работиме во повеќе сектори, се контролираат многу правни и физички лица кои се занимаваат со различни дејности, не можам да кажам дека се контролираат сектори. Ние како Управа работиме на откривање на многу сторени кривични дела според Законот за финансиска полиција- вели Иванов. Според него во моментов се работи на повеќе од 300 предмети.

-Можам да спомнам некои од позначајните. Работиме на предмети во кои се инволвирани правни и физички лица во кои се прикажани фактури со нерелана содржина во текот на последните години. Тие неосновано ја намалувале обврската за плаќање на Данок на додадена вредност во повеќе правни субјекти и со тоа е оштетен буџетот на Северна Македонија. Овој предмет го работиме заедно со Обвинителство- вели Иванов.

Првиот финансиски полицаец вели дека постапувааат по предмети во кои правни и физички лица преку невистинити фактури предизвикале штета на европските фондови, но и на ИПАРД.

– Имаме активности на проверка на технички прегледи на моторни возила каде што поднесовме голем број на кривични пријави низ цела држава во која се присвоени незаконски парични средства од одговорните лица во правните лица- вели Иванов.

Во интервјуто за Утрински печат со директорот Иванов разговаравме и за контролите на Кванташкиот пазар, за највисокото даночно затајување во земјава, за финансиските измами, но за злопупотребите на службената положба. Гледајте не утре во 9 часот наутро.