Џон Фицџералд Кенеди, 35-от претседател на САД, е роден на денешен ден, 29 мај 1917 година. На 22 ноември 1963 година, во 12 часот и 30 минути, во моментот кога Кенеди, како дел од претседателската свечена колона, се движел со своето возило пред насобраните симпатизери во Далас, над него бил извршен атентат. Во претседателскиот „кадилак“ се возел заедно со сопругата Џеки, која седела до него на задното седиште, а токму розовиот костим што го носела таа прерасна во симбол на атентатот на Џон Кенеди, кој Џеки го носела и следните 24 часа.

„Нека видат што направија“, изјавила таа додека на костимот и понатаму можеле да се забележат дамките од крв.

Во него била и при положувањето на заклетвата на новиот претседател Линдон Џонсон, носејќи го костимот за да го покаже шокот и ужасот од проживеаното. Костимот не бил испран, па крвта јасно можела да се види на десниот ракав. Фотографиите од тие моменти се главно црно бели, па затоа бојата не може да се забележи.

Во светлото на убиството на Кенеди и суровата реакција на првата дама, тој костим станал дел од културата. Но всушност постои тајна за тој костим која повеќето луѓе не ја знаат. Иако јавноста верувала дека костумот е креација на „Шанел“, всушност не е така.

„Тоа всушност не е Шанел“, напиша Сатон Травис за bestlifeonline.com.

Тајната на розевиот костум

На Џеки Кенеди ѝ се воодушевувале како на модна икона со префинет стил, но некои ја критикувале поради екстравагантниот вкус кон странската мода за време на претседателската кампања на нејзиниот сопруг.

Тоа било доволно за политичкиот тим на Кенеди да се чувствува непријатно, па ја замолиле покрај својот сопруг да се појавува исклучиво во американска облека.

Но Џеки Кенеди успеала да ги надмине ограничувањата.

Ангажирала американски дизајнери кои ги копирале меѓународните стилови и модните решенија со одобрение на  странските модни дизајнери. И така Џеки Кенеди дошла до тој розов костим, идентичен на Шанеловиот од таа сезона.

Вашингтон пост објаснува дека иако се чинело дека станува збор за „Шанел“, всушност го изработила модната куќа од Њујорк, „Чез Нинон“.

Костимот денеска се чува во Американската национална архива во државата Мериленд каде што го однела нејзината ќерка Керолин.

Тој и понатаму е „извалкан“ од дамките крв, но не е достапен на увид за пошироката јавност, а како причина за тоа се наведува дека такви биле барањата на семејството.

„Кога би бил изложен би поттикнал хистерија“, изјавил кураторот Филис Магидсон.

Костимот ќе може да биде достапен за јавноста дури во 2103 година кога семејството ќе одлучи дали некој ќе смее да му пристапи.

 

View this post on Instagram

 

A post shared by Born Influenced (@borninfluenced)