Ѓоковиќ разочаран од откажувањето на „Адриа Тур“: Црна Гора ја сметам за свој дом, но…
Организаторот на хуманитарните серија турнири „Адриа Тур“, Новак Ѓоковиќ потврди дека турнирот кој требаше на 27 и 28 јуни да се одржи во Црна Гора е откажан. Причината за откажувањето е одлуката на владата на Црна Гора да не ги отвори границите за српските државјани.
– Навистина ми е жал за Црна Гора. Имам семејство кое живее таму, ја сметам Црна Гора за свој дом. Сè се обидовме, но границите сè уште не се отворени и ние немаме време да организираме се. Не можевме да чекаме повеќе. Третата недела од турнирите е под знак прашање, ќе се обидеме да најдеме некое решение. Засега останува да се игра во Задар, Сараево и Бања Лука – изјави Ѓоковиќ за телевизијата Спортклуб.
Денеска и официјално започна турнирот во Белград на кое се случи и првото големо изненадување.
Српскиот тенисер Никола Милојевиќ ја искористи укажана шанса, влезе како среќен губитник по повредата на Дамид Џумхур во дуелот со Доминик Тим и го совлада 19. тенисер на АТП ранг листата, Григор Димитров со 4:1, 4:3.
Претходно победија Александер Зверев и тоа со пресврт против Филип Крајиновиќ (0:4,4:3,4:3) и Новак Ѓоковиќ против Виктор Троицки (4:1,4:1)