Од Австралија пристигна дефинитивно разјаснување на ситуацијата околу најдобриот тенисер во светот, Новак Ѓоковиќ. Има многу полемики околу тоа дали српскиот ас ќе настапи на грен слем турнирот „Австралија опен“. Ѓоковиќ би можел да го пропушти првиот Грен слем следната година, бидејќи неговиот статус за вакцинација сè уште не е јавно објавен.

Од Австралија пристигна потврда дека секој што не е вакциниран со најмалку две дози нема да може да учествува на првиот грен слем. Тамошниот министер за имиграција Алекс Хок ги реши сите дилеми.

– Добивме совет од нашите здравствени работници и советници дека нема да пуштиме луѓе во Австралија кои не биле вакцинирани со две дози – рече Хок.

Потоа се осврна на Ѓоковиќ, која е најголемата ѕвезда која треба гостува во Австралија во наредните месеци.

BREAKING: Immigration Minister Alex Hawke says Novak Djokovic will NOT be allowed into Australia if he is not double vaccinated.
"Our health advice is that when we open the borders everyone that comes to Australia will have to be double vaccinated," Mr Hawke told @RNBreakfast.

— Stephanie Peatling (@srpeatling) October 19, 2021

– Немам порака за Новак Ѓоковиќ. Имам порака за секој што сака да дојде во Австралија, па и за него – ќе мора да се вакцинира со две дози – рече министерот за имиграција.

За потсетување, „Австралија опен“ ќе се организира во периодот од 17 до 30 јануари 2022 година.

Ѓоковиќ: Нема да откријам дали се вакцинирав или не