Новак Ѓоковиќ денеска се пласираше во полуфиналето на Мастерсот во Шангај, Кина, победувајќи го Белгиецот Зизу Бергс, 44 рангиран тенисер во светот, со 6:3, 7:5.

Условите повторно беа тешки, Бергс не се предаваше, но Ѓоковиќ успеа да се најде во полуфиналето на турнирот, негово 80-то на мастерсите.

Воедно Ѓоковиќ го обезбеди своето 10 полуфинале на Мастерсот во Шангај и продолжува со потрагата по рекордната 41-ва мастерс титула.

Во сабота, српскиот тенисер ќе се соочи со најголемото изненадување на турнирот, 204 играч на АТП листата, Валентин Вашеро од Монако, кој извојува изненадувачка победа над Холгер Руне.

В петок ќе се дознае и втората полуфинална двојка по одигрувањето на дуелите меѓу А. Риндеркнеш – Ф. Оже-Алијасим и Д. Медведев – А. Де Минор.