Германската економија падна за 2,2 отсто во првото тримесечје од 2020. година, што претставува најголем квартален пад од финансиската криза, покажуваат прелиминарните статистички податоци.

На ваквиот резултат влијаеше затворањето на продавниците и фабриките во март поради мерките воведени за спречување на ширењето на корона вирусот.

Бруто домашниот производ на најголемата европска економија на годишно ниво регистрираше пад од 2,3 проценти во периодот јануари – март, по растот од о,4 отсто во претходните три месеци, се вели во податоците од Федералниот завод на статистика што ги објави „Ројтерс“.

Аналитичарите според анкетата на британските агенција предвидуваат намалување на германскиот БДП од 2,2 отсто на квартално и 2 отсто на годишно ниво.