Германија го доби првиот терминал за течен гас
Првиот германски терминал за пренос на течен природен гас (ЛНГ) е отворен во германскиот град Вилхелмсхавен, што е дел од стратегијата на германската влада за намалување на зависноста од рускиот гас.
„Ова е голем и важен чекор кон поголема независност кога станува збор за снабдувањето со гас“, рече Олаф Лиес, министер за економија на сојузната покраина Долна Саксонија, каде што се наоѓа терминалот. Тој укажа на големиот успех на проектот, кој беше промовиран пред само 194 дена. Терминалот овозможува претворање на течниот природен гас во гасовита состојба и со тоа дополнителен транспорт преку гасоводи, пренесува Хина. Досега течниот гас влегуваше во германскиот систем преку терминалите за LNG во Франција и Холандија. Веќе постоечката пристанишна инфраструктура и одличните услови придонесоа изградбата на терминалот да стане успешна приказна“, рече социјалдемократскиот политичар.
Веќе се постигнати договори за зголемен увоз со земји како Катар и Канада, а покрај терминалот во Вилхелмсхавен, во изградба се уште два терминали на северот на Германија.