Португалија оди во втората фаза, а Франција си оди дома. Доколку некој би ви кажал вакво нешто пред три дена, сигурно е дека секој познавач на ракометот би ви одговорил дека сте луд, но по првите две кола, распоредот е токму таков.

Португалија со 27:24 ја совлада БиХ, додека Франција загуби од Норвешка со 28:26 по што ракометната велесила која доминираше на сите натпреварувања во последните 10-15 години, си ги спакува коферите и се врати дома.

Француските медиуми не можат да веруваат во овој расплет на настаните и ги распнаа „триколорите“.
„Плави, тука е крај“. Франција која е поразена од Норвешка е елиминирана. Катастрофалното сценарио не беше избегнато и Франција за прв пат во историјата нема да игра на втората фаза“, пишува угледниот „Лекип“.

Досега најлошиот настап на Франција на Европските првенства кои се играа од 1994 година е 11. место на ЕП во Србија 2012 година, но тогаш ја помина првата фаза и испаднаа во втората.
Последниот ваков неуспех на „триколорите“ на едно големо натпреварување е од Светското првенство во далечнара 1978 година. Тие тогаш на ракометниот мундијал во Данска претрпеа три порази во групаната фаза од Романија, Источна Германија и Унгарија.

„Франција остана без славата“, стои во насловот на „Ле Паризиен“ кој потоа пишува: „Со поразот од Норвешка (28:26) соиграчите на Никола Карабатиќ веќе се елиминирани од ЕП. Не успеаја да ги разрешат проблемите од првиот натпревар против Португалија. Крај на една ера!“.

– Не знам дали постои криза. Ќе го анализираме натпреварот, паднавме и Франција е денеска таму каде што е – одговара селекторот Дидие Динар.

„Разбиени и елиминирани, „Les Bleus“ добија историски шамар“, пишува „Ле Фигаро“.

Ракометарите на Франција за три месеци ќе имаат можност да се извадат да историскиот шамар кој до добија на ЕП, бидејќи се домаќини на олимпискиот турнир.

Франција во својата богата биографија имаат две олимписки злата (2008 и 2012), пет пати се светски шампиони (1995, 2001, 2009, 2011, 2015 и 2017) и три пати се европски шампиони (2006, 2010 и 2014 година).