Новак Ѓоковиќ се најде на удар јавноста поради организацијата на „Адриа Тур“ чии турнири во Белград и Задар се играа пред публика.

По неделната објава на Димитров дека е позитивен на коронавирус, веднаш беше прекинат турнирот во Задар и експресно беа извршени тестирања на тенисерите, додека Ѓоковиќ одлучи да се тестира по пристигнувањето во Белград.

Францускиот „Лекип“ по објавата дека Ѓоковиќ вчера се тестирал на коронавирус, денеска објави фантастична карикатура на Ѓоковиќ како преносител на ковид-19 и притоа напиша „Кој сака да се гушнеме“.

Денеска стигнаа резултатите од тестот на Ѓоковиќ, тој и неговата сопруга се позитивни на коронавирус.