Кејт Мидлтон утрово ја посети болницата „Ројал Марсден“ во Лондон, каде се лекуваше од рак. Ова е прв пат принцезата од Велс да излезе сама на подолга посета по повеќе од една година. Во оваа прилика таа се сретна со пациенти и им пружи поддршка.

Во исто време, таа лично се заблагодари на персоналот за нивната „исклучителна грижа, поддршка и сочувство“ што и ја покажаа во изминатите 12 месеци.

Принцезата разговарала и со една од жените на терапија, која на главата носела „капа за ладење“, уред кој може да помогне да се спречи опаѓање на косата.

Палатата Кенсингтон објави дека принцезата од Велс ја презеде улогата на покровител на болницата „Ројал Марсден“ со нејзиниот сопруг. Мајката на Вилијам, принцезата Дијана, своевремено ја имаше таа позиција.

Според портпаролот на палатата, принцезата сакала да дојде и да ја изрази својата благодарност до неверојатниот тим, но и да го привлече вниманието на светски познатата болницата „Ројал Марсден“ која нуди беспрекорна грижа и третмани.

– Олеснување е што сега сум во ремисија и останувам фокусирана на закрепнувањето. Како што знае секој кој доживеал дијагноза на рак, потребно е време да се приспособиме на новото нормално – напиша принцезата на „Икс“.

I wanted to take the opportunity to say thank you to The Royal Marsden for looking after me so well during the past year.

My heartfelt thanks goes to all those who have quietly walked alongside William and me as we have navigated everything.

We couldn’t have asked for more.… pic.twitter.com/f3sA7yZdOi

— The Prince and Princess of Wales (@KensingtonRoyal) January 14, 2025