ФОТО+ВИДЕО | Страстен бакнеж кој сите го очекуваа: Ликовите од „Sex and the City“ ја продолжуваат романсата
Моментално се снима втората сезона на серијата „And Just Like That“, која е продолжение на легендарната серија „Sex and The City“. Неодамна беше најавено враќањето на актерот Џон Корбег во серијата, кој ќе ја репризира улогата на Ејден Шо, еден од љубовните партнери на главниот лик Кери Бредшо, која, пак, ја толкува актерката Сара Џесика Паркер.
Препорачано
-
1
-
2
-
3
Иако обожавателите на серијата претпоставуваа дека ликовите Ејден и Кери ќе ја обноват романсата во втората сезона на „And Just Like That“, сега тие претпоставки се поткрепени и со фотографии од снимањето на кои актерите Корбег и Паркер страсно се бакнуваат.
Ејден Шо како лик првпат се појави во третата сезона на „Sex and The City“, како дизајнер на мебел и новото момче на Кери Бредшо. Според обожавателите на оваа приказна, тој е најдобриот партнер којшто Кери го имала во целата серија. Сепак, нивната врска завршува така што Кери му го крши срцето и се решава за Ѕверката, лик кој го глумеше актерот Крис Нот.
Серијата „And Just Like That“ ги следи животите на главните хероини Кери, Миранда (Синтија Никсон) и Шарлот (Кристин Дејвис) и нивните предизвици и пријателства во шестата деценија од животот.
ФОТО | Се враќа еден од омилените ликови од „Sex and the City“, обожавателите се пресреќни
