Македонската водителка Ведрана Ѓорѓевиќ моментално ужива на егзотично патување на Бали со нејзиното момче Андрија Антиќ, кој на јавноста ѝ е познат под уметничкото име Ендрју Мелер.

Познатата двојка неретко патува на дестинации кои се т.н. живи разгледници – Шпанија, Малдиви, Хрватска, а сега му дојде ред и на овој индонезиски рај.

Ведрана, која до неодамна беше дел од телевизиската емисија „Golden Carpet“, сподели прекрасни фотографии од „рајскиот остров на боговите“, кој остава без здив со својот разновиден пејсаж на ридови и планини, песочните плажи, и тропските шуми.

„Влегувам во 35. година од животот токму вака“, напиша водителката во описот на фотографиите кои ги сподели на својот инстаграм-профил.