ФОТО: Веќе почнаа да ги уништуваат електричните тротинети во Скопје, еден заврши во контејнер
Електричните тротинети кои од минатата недела можат да се изнајмата на повеќе локации во Скопје, не издржаа многу пред вандалите да почнат да ги уништуваат. Фотографии на кои се гледа како еден тротинет завршил во контејнер, друг во канал, а трет останал без екран, беа објавени на социјалните мрежи.
Ние сме еден фин и мирољубив народ, освен во дадени моменти кога не сме такви.. pic.twitter.com/AAEF1UrViG
— Kolace (@kollace12) May 22, 2023
На други фотографии, се гледаат тротинет на кој му е скршен дисплејот, како и еден фрлен во канал во Градскиот парк.
Во текот на викендот, скопските градски електрични тротинети можеа да се видат расфрлани насекаде низ центарот на градот, оставени легнати на улици, на сред тротоар или на влезови на пешачки премини.
За да користат електричен тротинет, граѓаните треба да ја симнат апликацијата, за која баркод има на пунктовите, кои инаку се отстапени од ЈП „Градски паркинг“. Една минута возење чини 9 денари, но доколку преку апликацијата ставите повеќе пари, цената се симнува до 7,3 денари за минута возење.