На Балканското првенство во атлетика за сениори во сала кое се одржува во Истанбул, Турција, македонскиот натпреварувач Андреас Трајковски во дисциплината скок во далечина го освои бронзениот медал.

Со прескокнати 7 метри и 62 сантиметри Трајковски успеа да дојде до третото место.

Сребрениот медал му припадна на Марко Чеко од Хрватска со скок од 7,71 метри, додека златото го освои Измир Смајлај од Албанија со скок од 7.79 метри.

Учество земаат 22 држави членки на Балканската федерација со преку 350 атлетичари.

На Балканското првенство треба да настапат уште двајца наши атлетичари, Јован Стојоски во дисциплината 400 метри, како и Дарио Ивановски во дисциплината 3000 метри.