ФОТО: Спалети и Франческо Тоти конечно ги „закопаа секирите“
Франческо Тоти и Лучијано Спалети денеска ги „закопаа секирите“ со голема прегратка, оставајќи ги зад себе годините на горчина од искуството на Рома.
Тие соработуваа за време на првиот мандат на тактичарот на стадионот „Олимпико“, но работите се распаднаа кога Спалети се врати по вторпат од 2016 до 2017 година.
Тоти беше пред крајот на кариерата и договорот, фрустриран поради недостигот на минутажа, додека тренерот чувствуваше притисок од навивачите и медиумите секогаш кога не го стартуваше капитенот.
Спалети дури беше прикажан како негативец во мини-серијата базирана на животот на Тоти, но во последниве месеци тие почнаа да го премостуваат тој јаз и да се отвораат за повторно обединување.
▶️ #Totti e #Spalletti, pace fatta: il Ct dell’#Italia e l’ex Capitano della #ASRoma mantengono la promessa al Bambin Gesù [FOTO]
➡️ https://t.co/ZRnPT6PiZ9 pic.twitter.com/4LV6RXduWe
— Romagiallorossa.it (@Romagialloross4) November 16, 2023
Селекторот на Италија предложи да се сретнат за време на планираната посета на тимот на „Аѕурите“ во детската болница „Бамбин Гесу“ во Рим.
Ова се случува непосредно пред утрешниот квалификациски меч за ЕП 2024 меѓу Италија и Македонија на стадионот „Олимпико“ во Рим, а бодовите им се важни на играчите на Спалети да ги одржат шансите за учество на континенталниот собир следната година во Германија.
