ФОТО | Што возат Кејт Мидлтон и принцот Вилијам?
Иако се членови на кралското семејство и главно седат на задното седиште додека друг ги вози, принцот Вилијам и неговата сопруга Кејт Мидлтон имаат возачки дозволи, а ќе се изненадите кога ќе видите какви автомобили возат.
Препорачано
Принцот Вилијам првпат беше фатен зад воланот во 1999 година на имотот Хајгроув, веднаш откако го положил возачкиот испит. Во тоа време се возел во скромен „форд фокус“ од првата генерација.
Тој ја добил својата возачка дозвола набрзо по неговиот 17-ти роденден, а неговиот татко, принцот Чарлс, на својот син му подарил црн „фолксваген голф“ за таа пригода.
Интересно е што и Кејт Мидлтон го возела истиот модел. Го купила својот „голф“ во 2001 година додека студирала на Универзитетот Сент Ендрјус, каде што го запознала Вилијам.
Во 2007 година, Кејт го замени својот „голф“ за сребрено „ауди A3“, додека старото возило му го дала на нејзиниот помлад брат Џејмс. Се чини дека ттогаш парот развил склоност кон германските автомобили, особено кон брендовите „ауди“ и „фолксваген“.
Кејт подоцна беше видена со Ауди А5, а потоа и со А7.
На денот на нивната венчавка во 2011 година, парот се возеше со „астон мартин“, кабриолет што му припаѓаше на кралот Чарлс и кој му го подариле неговите родители – кралицата Елизабета и принцот Филип – за неговиот 21. роденден.
За доаѓање дома од болница со новородениот принц Џорџ во 2013 година, Вилијам избра „ренџ ровер“, симбол на кралската традиција и сигурност. Кралското семејство има посебна врска со брендот со децении – дури и кралицата Елизабета поседуваше бројни модели.
Кејт првпат го покажа својот електричен „јагуар I-Pace“ во 2020 година, вреден околу 60.000 фунти. Тоа беше јасен гест на поддршка за одржливост, можеби инспириран од свекорот, кралот Чарлс, кој го купи својот I-Pace уште во 2018 година.
Електричните автомобили не се резервирани само за принцезата – во 2024 година и принцот Вилијам беше фотографиран како ја напушта клиниката во Лондон зад воланот на електричното „ауди“ со високи перформанси. Тој модел, кој може да забрза од 0 до 100 км/ч за само 3,1 секунда, чини повеќе од 120.000 фунти.
