Сезоната на награди го достигна својот врв со 97-то доделување на Оскарите. Како и секоја година, црвениот тепих беше сцена за врвни модни моменти, а гостите оваа година не разочараа. Од драматични креации од високата мода, преку класичниот холивудски гламур до смела машка облека, модните комбинации вечерта беа одраз на раскош и елеганција.

Селена Гомез ја предводеше листата на најдобро облечени на црвениот тепих во розово златна тоалета на Ралф Лорен, инспирирана од тоалетите што ги носеше холивудската икона Софија Лорен.

Деми Мур се одлучи за металик нијанса, избирајќи сиво-сребрен фустан на Армани кој ја истакна нејзината неверојатна фигура.

Хали Бери воодушеви во сребрен витражен фустан на Кристијан Сириано, кој го искомбинира со минимален накит.

Ема Стоун избра тоалета во боја на кожа од Луј Витон инспирирана од сребрена сирена, со асиметрично деколте.

Веќе беше очигледно дека Аријана Гранде и Синтија Ериво ќе останат верни на нивната палета на бои, розова и зелена. Но, и покрај предвидливите бои, и двете ги надминаа очекувањата.

Аријана Гранде се појави во скулптурален фустан на Скиапарели од најновата колекција што имавме можност да го видиме на Неделата на висока мода во Париз, а Синтија Ериво во темно зелен кадифе фустан, изработен по нарачка во ателјето Луј Витон.

Ел Фанинг се одлучи за софистицирана креација на Сара Бартон за Живанши, инспирирана од дебито на Хуберт де Живанши во 1952 година, а Сара Бартон исто така го облече и Тимоти Шаламе во жолт костум.

Џеф Голдблум докажа дека стилот може да биде и забавен во шик костум на Прада кој привлече внимание со својата модерна силуета и неочекуваните цветни детали.