Париз оваа недела поставува нов моден стандард. Легендарниот музеј Лувр ги отвора вратите за својата прва модна изложба насловена „Лувр мода: уметност и мода“, која ги комбинира уметноста, историјата и високата мода. Како и Мет Гала и ова ќе биде хуманитарен настан.

Собраните пари ќе бидат искористени за финансирање на музејските активности. Галата вклучува вечера, додека афтер забавата ќе се одржи на 4-ти март во Париз по повод почетокот на Париската модна недела.

На изложбата ќе бидат претставени вкупно 71 модно парче и 30 модни додатоци, кои се усогласуваат со декоративната уметност во поглед на изработка, стил и украс.

 

View this post on Instagram

 

A post shared by Musée du Louvre (@museelouvre)

Изложбата ќе биде поделена во седум различни епохи, за да ги претстави влијанијата на овие периоди врз дизајнерите низ историјата. Некои од периодите ги вклучуваат византиската ера и средниот век.

Имаме и импресивна листа на имиња на модни куќи која ќе вклучува дела од 45 дизајнери како Диор, Шанел, Жакемус, Ајрис Ван Херпен и Александар Меквин, како и архивски парчиња од куќите Лове, Баленсијага и Муглер.

Сигурно се прашувате дали ќе има црвен тепих како оној на Мет Гала? Во моментов нема информации дали гостите добиле тема за кодекс на облекување, но познато е дека шоуто ќе трае од 24 јануари до 21 јули, а деталите дополнително ќе бидат соопштени.