Сезоната на грип, вируси и настинки трае долго, па затоа е важно вашиот имунитет да биде силен. А покрај здравата исхрана и физичката активност, собните растенијата можат да придонесат и за превенција од болести.

Освен што го разубавуваат и освежуваат просторот, благодарение на фитонцидите и есенцијалните масла, растенијата можат да го прочистат воздухот од прашина, патогени бактерии, па дури и да го намалат ризикот од инфекција со вируси.

1. Гераниум

Не случајно ова растение е секогаш на прозорецот од домовите на нашите баби. Гераниумот прекрасно цвета, но лачи и материи кои можат да бидат штетни за стрептококите, стафилококите, вирусите на грип и разни бактерии кои можат да предизвикаат акутни респираторни инфекции.

Гераниумот е непобарувачко и издржливо растение, одлично ги поднесува становите и сувиот воздух од загревање, а во лето саксиите може да се преместат на балконот. Негувањето е многу лесно, а главната работа е растението да се стави на добро осветлено место и да се полева редовно и умерено, за да има време целосно да се исуши.

Етеричните масла од гераниум имаат и смирувачки ефект и помагаат во борбата против стресот и несоницата, па спалната соба може да биде совршен простор за ова растение.

2. Сансеверија

Друг незаменлив помошник во борбата против вирусите е сансеверијата, попозната како „јазик на свекрва“. Ова растение е совршено за чистење на воздухот во домот, а се верува дека има имуномодулаторни, антивирусни и фунгицидни својства, а исто така ја зголемува отпорноста на настинки.

Не бара посебна грижа, поднесува краткотрајна суша, па затоа е погодно за луѓе кои понекогаш забораваат да го наводнуваат. Најдобро се чувствува во добро осветлени простории, но треба да се постави на место каде што не паѓа директната сончева светлина. Сансеверијата го намалува ризикот од штетно зрачење, па затоа често се чува во канцеларии покрај компјутери или рутери.

3. Ловор (Лорбер, Ловоров лист)

Сушен ловоров лист, еден од најпопуларните зачини, може да се најде во речиси секоја кујна. Лорберот има одлични кулинарски карактеристики, а има и фантастични лековити својства – поради високата содржина на фитонциди, танини и елементи во трагови, лорберот силно делува на имунитетот, има изразено антиинфламаторно и антибактериско дејство, па често се нарекува природен антибиотик. Неговите фитонциди успешно се справуваат со бактериите и вирусите кои предизвикуваат настинки. Се користи и при подготовка на природни лекови и сирупи за кашлица.

Одгледувањето ловоров лист дома е лесно дури и за почетник. Потребна му е многу сончева светлина, па затоа е најдобро саксијата да ја поставите во близина на прозорецот на јужната страна од домот, а во лето добро му оди на балконот. Поднесува голема влажност, па затоа во пролет и лето треба обилно да се полева и да се посипува, а во ноември може да се соберат добар род лисја, да се исушат и да се користат како зачин.

4. Монстера (Собен филадендрон)

Монстера е едно од омилените зелени растенија во домовите, а го красат широки листови во облик на срце. Ова непретенциозно растение може да расте дома до два метри во височина и изгледа одлично во секој ентериер.

Големите листови лачат корисни материи кои ги потиснуваат вирусите и микробите, а исто така помагаат во јонизирање на воздухот. Лековитите својства на ова растение се добро познати во Југоисточна Азија, каде што од античко време било вообичаено да се става во собата на болен човек за да се забрза закрепнувањето.

Сепак, ова растение воопшто не е добро за домашни миленици, отровно е и за мачките и за кучињата.

5. Лимоново дрво

Цитрусните растенија отсекогаш биле познати по нивните лековити својства. Не само што нивните сочни плодови помагаат во одржување и зајакнување на имунитетот, туку и миризливите листови кои ослободуваат корисни етерични масла.

Можете да одгледувате лимоново дрво дома, а една саксија со лимон може да го направи воздухот во просторијата исклучително чист, со помалку вируси, бактерии и штетни материи.

Лимонот сака ладни и добро осветлени места, но ни најмалку не толерира директна сончева светлина. Во неповолни услови, дрвото може целосно да ги отфрли лисјата.