ФОТО: Четворица романски дилери преправени како туристи, фатени како шверцуваат дрога во Валона
Истражните дејствија откриле дека овие државјани заедно со нивни соработници Албанци шверцувале и препродавале наркотична дрога, маскирани како туристи кои со изнајмени луксузни кампер возила крстосувале низ регионот.
Во раните утрински часови полицијата од Валона уапсила четворица млади романски државјани кои со 2 луксузни возила од типот „Кампер“ со романски регистарски таблички, поседувале количество од 260 килограми канабис сатива, со цел оваа да ја шверцуваат од Албанија во Грција и пошироко во регионот.
Полицијата трага по уште петмина албански соработници кои помагале во оваа мисија, но поради истрагата, нивните имиња не се објавени од полицијата.
Полицијата соопшти дека на дело биле уапсени државјаните Мариус Цимпеану (20), Михаела Цимпеану (20), Флорин Тучан (24) и Андреа Пислару (21), сите четворица со романско државјанство.
Под водство на Обвинителството при Основниот суд во Валона, продолжува истрагата за целосното документирање на овој случај.
